2010-04-13: Inlewering van wapens ‘’n totale mislukking’

http://www.dieburger.com <br>dbmening@dieburger.com

Moderators: GenMod, AfrMod

2010-04-13: Inlewering van wapens &#8216;&#8217;n to

Postby GOSA » Tue, 2010-04-13 11:26

http://www.nuus24.com/Suid-Afrika/Nuus/ ... g-20100413

Inlewering van wapens ‘’n totale mislukking’
2010-04-13 07:21

Maygene de Wee

Kaapstad – Die afgelope amnestietydperk vir die inhandiging van onwettige vuurwapens was ’n algehele mislukking omdat so min onwettige vuurwapens ingehandig is.

Só het die Suid-Afrikaanse Vuurwapeneienaarsvereniging (Saga) gister gesê.

Nathi Mthethwa, minister van polisie, het gister op ’n nuuskonferensie in Pretoria gesê altesaam 32 169 vuurwapens is landwyd gedurende die anmestietydperk van 11 Januarie tot 11 April ingedien.

Slegs 27% hiervan was onwettige vuurwapens.

Die meeste vuurwapens is in Gauteng, KwaZulu-Natal en die Wes-Kaap ingehandig.

Martin Hood, Saga-woordvoerder en regsadviseur, het gesê die amnestietydperk is deur die polisie gebruik om wettige vuurwapeneienaars te intimideer om hul vuurwapens in te handig.

“Dit word bewys deur die getal wettige vuurwapens wat ingehandig is en die klein persentasie vuurwapens wat sogenaamd onwettig in mense se besit is.”

Hood het gesê die polisie moet bewys hoeveel van die onwettige vuurwapens deur misdadigers ingehandig is.

“Hulle sal nie kan nie, omdat die misdadigers nie tougestaan het om hul AK 47’s of gesteelde polisievuurwapens in te handig nie.”

Volgens hom is die meeste vuurwapens wat ingehandig is erfstukke of dit was wettig gelisensieer, maar nie in die naam van die huidige eienaar nie.

Die Wes-Kaapse polisiekantore is gister gemuilband en opdrag gegee om nie enige statistieke oor die amnestietydperk aan die media bekend te maak nie.

Lt.kol. André Traut, provinsiale polisiewoordvoerder, het gesê die Wes-Kaapse statistieke sal Donderdag in ’n mediaverklaring bekend gemaak word.

Natalie Jaynes van Gun Free South African het gesê hulle beskou die amnestietydperk as ’n sukses.

Enige poging om vuurwapens uit die samelewing en land te kry, moet ondersteun word, het sy bygevoeg.

- Die Burger
What have YOU done for YOUR rights today?
GOSA
Site Admin
 
Posts: 1598
Joined: Sun, 2006-01-29 15:42
Location: South Africa

Return to Die Burger

Who is online

Users browsing this forum: No registered users and 2 guests

cron